რა მოხდა სასამართლო პროცესზე?
გუშინ ჩატარდა პირველი სასამართლო სხდომა. პროცესზე პატიმრებმა ატეხეს აჟიოტაჟი. ისინი ემუქრებოდნენ და აგინებდნენ მოსამართლეს და პროკურორს. დაემუქრნენ მომავალში თქვენ იქნებით ის ადამინები, რომლებიც მოკვდებიანო. მათ ეს სასამართლო პროცესზე მოახერხეს. მომეჩვენა რომ ეს იყო დადგმული სცენა. იმის ნაცვლად რომ მოასამართლეს განსასჯელები დაესაჯა, ჩვენი დარბაზიდან გაძევება გადაწყვიტა. გამოიძახა ბადრაგი და სასამართლო დარბაზიდან გამოგვყარა.
ვისი ბრალეულობა იკვეთება?
დაკვეთის კვალი ჩანს, ბევრი საეჭვო კითხვა იბადება. ის სამი ადამიანი ვინც ჩემი ძმის მკვლელობაშა ეჭვმიტანილი განსაკუთრებული სისასტიკის ჩადენისთვის იხდიდნენ სასჯელს რუსთავის ციხეში. რუსთავის ციხიდან გეგუთის ციხეში გადაიყვანეს და ჩემი ძმის საკანში ჩასვეს. სამი დღით ადრე კი ჩემი ძმის საკნიდან მასთან მსხდომები გადაიყვანეს რუსთავის ციხეში. მისი მკვლელობის შემდეგ კი გადაყვანილები ისევ უკან, გეგუთის ციხეში დააბრუნეს.
რატომ უნდა მოეკლათ თქვენი ძმა , რა შეიძლებოდა გამხდარიყო ამოს მიზეზი?
ჩემს ძმას ციხეში კარგ ადამიანად და ვაჟკაცად იცნობდნენ. მას კონფლიქტური სიტუაცია არ ჰქონია არც ადმინისტრაციასთან და არც პატიმრებთან.
სამი პატიმარი რომ გადაიყვანეს ამის შესახებ მან გითხრათ?
დიახ. პატიმრების გადაყვანიდან წინა დღით დარეკა და გვითხრა ახალი პატიმრები მყავს და გთხოვთ „პერედაჩი“გამომიგზავნოთო. შაბათს დაგვირეკა და კვირას უკვე მოკლეს. ისინი ჩემს ძმასთან არ უნა ყოფილიყვნენ ერთ საკანში. რადგან მათგან ერთ-ერთი ხონის ფსიქიატრიულში გადიოდა რეაბილიტაციას. გუშინ სასამართლო პროცესზე თვითონ თქვა, ოთხი დღეა წამალს აღარ მაძლევენო. ეს იმას ნიშნავს, რომ ის ისევ გადიოდა მკურნალობას ციხის რეჟიმში.
განსასჯელთაგან რომელიმემ ბრალი აღიარა?
ვინც მკვლელია რეალურად ის არ აღიარებს. სხვა ადამიანი ამბობს, რომ მან მოკლა, მას ბრალი აქვს წაყენებული 10-დან 18 წლამდე. თუმცა სამივე დამნაშავეა. მე ვფიქრობ საკანში კონფლიქტური სიტუაცია სპეციალურად შექმნეს, რომ ჩემი ძმა მოეკლათ.
რადგან დაკვეთაზე საუბრობთ ისევ გკითხავთ რატომ უნდა მოეკლათ თქვენი ძმა?
არ ვიცი ვის აწყობდა მისი სიკვდილი. ადამიანები , რომლებმაც ჩემი ძმა მოკლეს ბევრჯერ ჩაიდინეს დანაშაული. როგორც გვითხრეს მათ საუკეთესო ადვოკატები ჰყავთ და წარსულში სტრასბუგში გაუსაჩივრებიათ სასამართლოს გადაწყვეტილება. პატიმრებს მკვლელობის ბადრაგზე გადაბრალება უნდათ. რეალურად როდესაც შეიქმნა კონფლიქტური სიტუაცია, ბადრაგი მივიდა საკანში. პატიმრები დაამშვიდეს და წავიდნენ. ამის გამო შეიძლება ბადრაგს გულგრილობის ბრალი წაუყენო, რალურად კი მათი მოკლული არ არის. მეორედ უკვე ბადრაგი რომ შევიდა ჩემი ძმა გონზე იყო, მაგრამ ძირს ეგდო. გამოიძახეს ციხის ექიმი, რომელმაც სასწრაფო დახმარება გამოაძახებინა. სასწარაფოს მოსვლამდე ჩემი ძმა ქალა- ტვინის მძიმე ტრამვით გარდაიცვალა.
საქმეში არსებობს მეოთხე ადამიანიც, ისიც ჩემი ძმის საკანში იჯდა და მისი მეგობარი იყო, დუმილის უფლებას იყენებს.
