Batumelebi | თოჯინების თეატრის საქმე სასამართლოდან თოჯინების თეატრის საქმე სასამართლოდან – Batumelebi
RU | GE  

თოჯინების თეატრის საქმე სასამართლოდან

 

 

დღეს ბათუმის საქალაქო სასამართლომ  ბათუმის თოჯინებისა  თეატრის დირექტორის მედია ჩარკვიანისა და მასთან ერთად ბრალდებული პირების საქმის განხილვა დაიწყო. 

 

 

მედეა ჩარკვიანს ბრალად ედება სამსახურებრივი უფლებამოსილების ბოროტად გამოყენება და სახელმწიფო ბიუჯეტის კუთვნილი დიდი ოდენობით ფულადი თანხის მითვისებაში დახმარება.

 

ეს დანაშაული ითვალისწინებს 7- დან 11 წლამდე პატიმრობას და 3 წლით საჯარო სამსახურში მუშაობის უფლების ჩამორთმევას.

 

დღეს სასამართლო პროცეს არ ესწრებოდა ბრალდებული  შპს ,,თექ-ევ ინშაათის“ დირექტორი ჰალილ ექში.  მოსამართლემ თქვა,  რომ ბრალდებულზე ძებნაა გამოცხადებული.    სასამართლო პროცესზე ძებნილის ინტერესებს იურიდიული დახმარების ბიუროს ადვოკატი ნუგზარ გრძელიძე იცავს.

 

 გიორგი ოდიშვილს, ილია ზაქარიაძეს და ჰალილ ექშს ბრალად ედებათ ყალბი ოფიციალური დოკუმენტის მომზადებასა და დიდი ოდენობით სხვისი ნივთის გამოყენებაში.

 

 ადვოკატმა დავით ჯაფარიძემ მოსამართლეს სთხოვა მისი დაცვის ქვეშ მყოფ გიორგი ოდიშვილის წინააღმდეგ შეწყვეტილიყო სისხლის სამართლებრივი დევნა, რადგან  მისი განმარტებით არ არსებობს არც ერთ დოკუმენტზე  ოდიშვილის ხელმოწერა.  

 მოსამართლე თამარ ბეჟნიშვილმა ადვოკატის შუამდგომლობა არ დააკმაყოფილა. მომდევნო სასამართლო პროცესი 7 აპრილს 14 საათზე გაიმართება.  

ბრალდებულები გირაოს საფუძველზე არიან გათავისუფლებულები;

 

ნეტგაზეთის მასალების სხვა გამოცემებში გადაბეჭდვის წესი
ნინო ინაიშვილი (მოხალისე)