Batumelebi | მურმან დუმბაძე საკანონმდებლო ცვლილებაზე მურმან დუმბაძე საკანონმდებლო ცვლილებაზე – Batumelebi
RU | GE  

მურმან დუმბაძე საკანონმდებლო ცვლილებაზე

 

პარლამენტის ვიცე სპიკერმა მურმან დუმბაძემ ბათუმის დემოკრატიული ჩართულობის ცენტრში ჟურნალისტებთან, სახელისუფლებო ორგანოების წარმომადგენლებთან შეხვედრა გამართა.  მან ახალ საარჩევნო კოდექსზე ისაუბრა, რომელიც თვითმმართველი ქალაქების, თემებისა და მუნიციპალური ორგანოების მმართველების ხალხის მიერ არჩევას ითვალისწინებს. 

 

დუმბაძის განცხადებით შეიცვალა კანონის დასახელებაც. თუ აქამდე თვითმმართველობის კანონს ერქვა „საქართველოს ორგანული კანონი ადგილობრივი თვითმმართველობისა და მმართველობის შესახებ“ ამიერიდან იქნება „საქართველოს ორგანული კანონი ადგილობრივი თვითმმართველობის კოდექსი“.

 

 

 „ამ ცვლილებით ცენტრალურმა ხელისუფლებამ გადმოვანაწილეთ  პასუხისმგებლობა ქვედა დონეზე და ვღებულობთ არა მარტო, ცენტრალურ დონეზე ხელისუფლების დაკომპლექტებას ხალხის მიერ, არამედ სათემო და საქალაქო დონეზეც. მოსახლეობა აქამდეც კი იყო ჩართული ხელისუფლების დაკომპლექტებაში, მაგრამ ის ძირითადად  საკანონმდებლოს წარმომადგენლობით ორგანოებს აკომპლექტებდა. 2014 წლის 15 ივნისის თვითმმართველობის არჩევნები ამ სისტემაზე გადასვლის პირველი შემთხვევა იქნება“- განაცხადა მურმან დუმბაძემ.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი