Batumelebi | სტიქიის შედეგად დაზარალებულ ოჯახებს ახალი კრიტერიუმების მიხედვით დაეხმარებიან სტიქიის შედეგად დაზარალებულ ოჯახებს ახალი კრიტერიუმების მიხედვით დაეხმარებიან – Batumelebi
RU | GE  

სტიქიის შედეგად დაზარალებულ ოჯახებს ახალი კრიტერიუმების მიხედვით დაეხმარებიან

 

ამ წუთებში აჭარის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილე რამაზ ჯინჭარაძე და სტიქიით დაზარალებულთა საქმეების დეპარტამენტების უფროსი დალი ქიქავა, ხელვაჩაურის მუნიციპალიტეტის გამგეობის თანამშრომლებთან და თემის რწმუნებულებთან, სამუშაო შეხვედრას მართავენ.

 

შეხვედრაზე თვითმმართველ ერთეულებს, „აჭარის ავტონომიური რესპუბლიკის ტერიტორიაზე მცხოვრები სტიქიის შედეგად დაზარებული ოჯახების დახმარების ზოგადი წესის დამტკიცების შესახებ“ აჭარის მთავრობის, 2014 წლის 13 თებერვლის N5 დადგენილებას გააცნობენ.


დადგენილება შეეხება აჭარის ავტონომიური რესპუბლიკის ტერიტორიაზე სტიქიური მოვლენების შედეგად დაზარალებული ოჯახების სოციალური მდგომარეობის შესწავლის, შეფასების და მათთვის დახმარების აღმოჩენის მიზნით კრიტერიუმების განსაზღვრის ზოგად წესს.


აღნიშნული მიზნით თვითმმართველ ერთეულებში სტიქიის შედეგად დაზარალებული ოჯახების მდგომარეობის შემსწავლელი ადგილობრივი კომისიები შეიქმნა.


სამინისტროს წარმომადგენლებმა მსგავსი სამუშაო შეხვედრა უკე გამართეს შუახევისა და ქედის მუნიციპალიტეტების გამგეობის წევრებთან და რწმუნებულებთან.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"