Batumelebi | აჭარის პროკურატურამ თაღლითობის ბრალდებით ადვოკატი დააკავა აჭარის პროკურატურამ თაღლითობის ბრალდებით ადვოკატი დააკავა – Batumelebi
RU | GE  

აჭარის პროკურატურამ თაღლითობის ბრალდებით ადვოკატი დააკავა

 

აჭარის   პროკურატურის თანამშრომლებმა  თაღლითობის ფაქტზე  საქართველოს ადვოკატთა ასოციაციის წევრი – ადვოკატი გ. ფ და მოქალაქე გ. ჭ. დააკავეს.

 

პროკურატურის ინფორმაციით მოქალაქე გ.ჭ.   შეიტყო, რომ ხელვაჩაურის რაიონულ სასამართლოში განსახილველ ერთ-ერთ სისხლის სამართლის საქმეზე ოჯახის წევრები დაინტერესებულნი იყვნენ პროკურატურასთან საპროცესო შეთანხმების გაფორმებით. 

მოქალაქემ ბრალდებულის ოჯახის წევრებს განუცხადა, რომ შეძლებდა საპროცესო შეთანხმების გაფორმებას, რაშიც დაეხმარებოდა მისი ნაცნობი პროკურორი, რომელმაც მიუხედავად იმისა, რომ იყო ადვოკატი, მოტყუებით, დაზარალებულებს თავი გააცნო   პროკურორად და დაარწმუნა ბრალდებულის ოჯახის წევრები, რომ  მისი მეშვეობით პროკურატურასთან მოხდებოდა საპროცესო შეთანხმების გაფორმება   რის სანაცვლოდაც მათ დაზარალებულს გამოართვეს 1000 ლარი.  

 
საქმეზე გრძელდება გამოძიება  საქართველოს სისხლის სამართლის კოდექსის 180-ე მუხლის მეორე ნაწილით, რაც ოთხიდან შვიდ წლამდე პატიმრობას ითვალისწინებს. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"