Batumelebi | აჭარის სპორტული ფედერაციები ყურადღებას ითხოვენ აჭარის სპორტული ფედერაციები ყურადღებას ითხოვენ – Batumelebi
RU | GE  

აჭარის სპორტული ფედერაციები ყურადღებას ითხოვენ

 

აჭარის სპორტული ფედერაციების პრეზიდენტები აჭარის მთავრობის თავმჯდომარეს შეხვდნენ. ფედერაციის პრეზიდენტებმა არჩილ ხაბაძეს სპორტის სახეობებში არსებული პრობლემები გაცნეს. 

 

ბათუმის სპორტული სკოლის ხელმძღვანელმა მუხრან ვახტანგაძემ აღნიშნა, რომ გარდა ფინანსური სიმწირისა, აჭარაში სპორტი უყურადღებობას განიცდის.

 

შეხვედრას აჭარის განათლების, კულტურისა და სპორტის მინისტრი გიორგი თავამაიშვილიც ესწრებოდა. მან სპორტის მოღვაწეებს უყურადღებობისთვის ბოდიში მოუხადა.

 

შეხვედრაზე ასევე მწვრთნელების კვალიფიკაციის ამაღლებასა და საქართველოს დამსახურებული მწვრთნელების ყოველთვიურად 150 ლარით ანაზღაურებაზეც ისაუბრეს. ბერძნულ-რომაული ჭიდაობის მწვრთნელ ლევან შავაძის ინფორმაციით აჭარაში სულ  საქართველოს ექვსი დამსახურებული მწვრთნელია.

 

გიორგი თავამაიშვილი ფედერაციებს დაფინანსების გაზრდას შეჰპირდა, თუმცა დასძინა, რომ ამ პრობლემის მოგვარება იოლი არ არის.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი