Batumelebi | აჭარაში ყველაზე ხანდაზმული ადამიანი 114 წლისაა აჭარაში ყველაზე ხანდაზმული ადამიანი 114 წლისაა – Batumelebi
RU | GE  

აჭარაში ყველაზე ხანდაზმული ადამიანი 114 წლისაა

 

2014 წლის 12 თებერვალს აჭარის მთავრობის თავმჯდომარე აჭარის ჯანდაცვის მინისტრთან ერთად შუახევის მუნიციპალიტეტის სოფელ ჩანჩხალოს ეწვია და აჭარაში მცხოვრები ყველაზე ასაკოვანი ქალბატონი 114 წლის სოფიო მიქელაძე მოინახულა. 

 

სოფიო მიქელაძეს 10 შვილი, 50 შვილიშვილი, 150 შვილთაშვილი და 10 შვილთაშვილის შვილი ჰყავს. 

 

არჩილ ხაბაძემ უხუცეს ქალბატონს აჭარის ჯანდაცვის სამინისტროს პროგრამის „100 წელს გადაცილებულ მოქალაქეებზე ერთჯერადი მატერიალური დახმარება„ ფარგლებში 1000 ლარი გადასცა. 

 

არჩილ ხაბაძემ ჩანჩხალოში 104 წლის შუშანა მიქელაძეც მოინახულა, რომელიც სოფიო მიქელაძის მაზლის ცოლია. პროგრამის ფარგლებში 1000 ლარიანი დახმარება მასაც გადაეცა. შუშანა მიქელაძეს 8 შვილი, 25 შვილიშვილი, 56 შვილთაშვილი და 3 შვილთაშვილის შვილი ჰყავს. 

 

აჭარის ჯანმრთელობისა და სოციალური დაცვის სამნიტრო „100 წელს გადაცილებულ მოქალაქეებზე ერთჯერადი მატერიალური დახმარების„ პროგრამას 2004 წლიდან ახორციელებს. გასულ წლებში თითოეულ მოქალაქეს 500 ლარი გადაეცემოდა, წელს თანხის ოდენობა გაიზარდა და იგი 1000 ლარს შეადგენს. 

აჭარაში დღეისათვის 100 წელს გადაცილებული 63 მოქალაქე ცხოვრობს.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"