Batumelebi | მკითხველთა და კრიტიკოსთა კლუბი მკითხველთა და კრიტიკოსთა კლუბი – Batumelebi
RU | GE  

მკითხველთა და კრიტიკოსთა კლუბი

 

2014 წლის 7 თებერვალს 14:00 შპს “განათლებაში” გაიხსნება “მკითხველთა და კრიტიკოსთა კლუბი”. კლუბის გახსნა უკავშირდება 2014 წლის წიგნიერების წლად გამოცხადებას.

 

 მისი მუშაობის მიზანია, აამაღლოს მოსწავლეთა წიგნიერების დონე, გაზარდოს მათი ინტერესის სფერო, შეაყვაროს ლიტერატურა, დაახლოვოს წიგნთან და განუვითაროს თითოეულ მათგანს კრიტიკული აზროვნება. ,,მკითხველთა და კრიტიკოსთა კლუბის“ ხელმძღვანელია ქართული ენისა და ლიტერატურის მასწავლებელი მაია მენაბდე, ხოლო საორგანიზაციო ჯგუფში შედიან X კლასის მოსწავლეები: ენრი კეჟერაძე, ლუკა გოცირიძე, დათო ბაკურიძე.

 

კლუბში გაერთიანებული არიან საშუალო და საბაზო საფეხურის მოსწავლეები. მათ შექმნეს კლუბის ბლოგი და ფორუმი, სადაც აქვეყნებენ თავიანთ ნააზრევს ამა თუ იმ წიგნზე, ნაწარმოებზე. ,,მკითხველთა და კრიტიკოსთა კლუბის“ შეხვედრები იქნება ინტენსიური, მოიწვევენ ცნობილ მწერლებსა, კრიტიკოსებსა და ლიტერატორებს, მათთან ერთად განიხილავენ სხვადასხვა მწერლის შემოქმედებას. კლუბში ასევე დაგეგმილია საინტერესო ფილმების ჩვენება. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"