Batumelebi | საკონსტიტუციო სასამართლო: GPB-ის წევრების სარჩელზე მიღებული გადაწყვეტილება უახლეს პერიოდში გახდება ცნობილი საკონსტიტუციო სასამართლო: GPB-ის წევრების სარჩელზე მიღებული გადაწყვეტილება უახლეს პერიოდში გახდება ცნობილი – Batumelebi
RU | GE  

საკონსტიტუციო სასამართლო: GPB-ის წევრების სარჩელზე მიღებული გადაწყვეტილება უახლეს პერიოდში გახდება ცნობილი

 

საკონსტიტუციო სასამართლოს მოსამართლეები დღეს 7 საათის განმავლობაში ისმენდნენ მხარეების  არგუმენტებს და მსჯელობდნენ, საქმე „დავით კანდელაკი, ნატალია დვალი, ზურაბ დავითაშვილი, ემზარ გოგუაძე, გიორგი მელაძე და მამუკა ფაჩუაშვილი საქართველოს პარლამენტის წინააღმდეგ“, მიეღოთ თუ არა წარმოებაში. 

 

 

საქართველოს საზოგადოებრივი მაუწყებლის ბორდის მოქმედი წევრები საქართველოს პარლამენტს უჩივიან.  სასამართლო სხდომას დღეს, 6 თებერვალს, საზოგადოებრივი მაუწყებლის მოქმედი ბორდის 6 წევრი ესწრებოდა.

 

ისინი მიიჩნევენ, რომ ახალი წესის საფუძველზე, საზოგადოებრივი მაუწყებლის  სამეურვეო  საბჭოს დაკომპლექტება ავტომატურად იწვევს ძველი სამეურვეო საბჭოს უფლებამოსილების ვადამდე შეწყვეტას, რაც, მათი აზრით, არის სახელმწიფოს მხრიდან დამოუკიდებელი მაუწყებლის საქმიანობაში უხეში ჩარევა და იწვევს საქართველოს კონსტიტუციის 24-ე, 29-ე 30-ე მუხლებით გარანტირებული უფლების დარღვევას.

 

 მოსარჩელეები მიიჩნევენ, რომ სადავო ნორმების  მოქმდებამ შესაძლოა მათ უფლებებს მიაყენოს ზიანი და ამიტომაც საკონსტიტუციო სასამართლოს სადავო ნორმების ამოქმედების შეჩერებას მანამ სთხოვენ, ვიდრე საბოლოო გადაწყვეტილებას გამოიტანს საკონსტიტუციო სასამართლო.

 

საკონსტიტუციო სასამართლოს ინფორმაციით, უახლოეს პერიოდში გახდება ცნობილი, მიიღებს თუ არა ამ საქმეს წარმოებაში სასამართლო განსახილველად. 

 

საქართველოს პარლამენტის წარმომადგენელმა საკონსტიტუციო სასამართლოში, „ბათუმელებთან“ კომენტარი ამ საქმეზე არ გააკეთა.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები" , ნათია როყვა