Batumelebi | C ჰეპატიტის დიაგნოსტირებისა და სქრინინგის პროგრამა C ჰეპატიტის დიაგნოსტირებისა და სქრინინგის პროგრამა – Batumelebi
RU | GE  

C ჰეპატიტის დიაგნოსტირებისა და სქრინინგის პროგრამა

 

მიმდინარე წელს, პირველად, ბათუმის მერია C ჰეპატიტის დიაგნოსტირებისა და სქრინინგის პროგრამას დააფინანსებს. საამისოდ უკვე შემუშავებულია 57 000-მდე ქულის მქონე 18-დან 50 წლამდე ასაკის პირებისათვის C ჰეპატიტის დიაგნოსტირებისა და სქრინინგის პროგრამა.

 

აღნიშნული პროგრამა დაავადების ადრეულ გამოვლენასა და C ჰეპატიტის გავრცელების სტატისტიკის დადგენას ითვალისწინებს. პროგრამის ფარგლებში მოხდება ბენეფიციართა სქრინინგი და დიაგნოსტიკური კვლევა: ალტ, ასტ , ანტი-HCV ანტისხეულების, თვისობრივი PCR-სა და გენოტიპის განსაზღვრა, რომლითაც დაავადების ზუსტი დიაგნოსტირება ხდება. ამის შემდეგ ბენეფიციარს შეეძლება ჩაერთოს C ჰეპატიტის მკურნალობის პროგრამაში.

 

პროგრამის ბიუჯეტი 135 700 ლარს შეადგენს და 2000 ბენეფიციარის დიაგნოსტიკურ კვლევას ითვალისწინებს.

შიდსის ცენტრისა და სხვადასხვა კვლევების მიხედვით, საქართველოში სავარაუდოდ 200 000 ადამიანია დაავადებული. 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"