Batumelebi | ოთხი რელიგიური კონფესიის დაფინანსება და არსებული გამოწვევები – დისკუსია ოთხი რელიგიური კონფესიის დაფინანსება და არსებული გამოწვევები – დისკუსია – Batumelebi
RU | GE  

ოთხი რელიგიური კონფესიის დაფინანსება და არსებული გამოწვევები – დისკუსია

 

7 თებერვალს პარასკევს 15:00 საათზე ბათუმის დემოკრატიული ჩართულობის ცენტრის ინიციატივით საჯარო დისკუსია გაიმართება. დისკუსიის თემაა „ოთხი რელიგიური კონფესიის დაფინანსება და არსებული გამოწვევები“.
დისკუსიაში მონაწილეობას მიიღებენ სახალხო დამცველის აპარატთან არსებული ტოლერანტობის ცენტრის ხელმძღვანელი, თეოლოგი ბექა მინდიაშვილი.

 

შერიგებისა და სამოქალაქო თანასწორობის საკითხებში სახელმწიფო მინისტრის აპარატის ინფორმაციით, წელს სომეხთა სამოციქულო მართლმადიდებელი წმიდა ეკლესიის საქართველოს ეპარქია, ისლამური და იუდევური თემები, ასევე კათოლიკური ეკლესია საქართველოში 4,5 მილიონ ლარს მიიღებენ საბჭოთა რეჟიმის მიერ მიყენებული ზიანის „ნაწილობრივ ანაზღაურების“ მიზნით.

 

განცხადება ამ ოთხი რელიგიური კონფესიისთვის დაფინასების თაობაზე პრემიერ-მინისტრმა ირაკლი ღარიბაშვილმა 27 იანვარს, მთავრობის სხდომაზე წარმოადგინა. მისი განმარტებით, ოთხი რელიგიური კონფესია დაფინანსებას კომპენსაციის სახით მიიღებს, იმ დევნის გამო, რომელიც მათ საბჭოთა პერიოდში განიცადეს.. 

 

ეს თანხა მთავრობის სარეზერვო ფონდიდან გამოიყოფა და მას ერთჯერადი სახე ექნება. თუმცა, სახელმწიფო მინისტრის აპარატის ინფორმაციით, სახელმწიფო განიხილავს დაფინანსების გრძელვადიან პერსპექტივებსაც.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"