Batumelebi | 2 125 400 ლარი აჭარის სკოლებისთვის 2 125 400 ლარი აჭარის სკოლებისთვის – Batumelebi
RU | GE  

2 125 400 ლარი აჭარის სკოლებისთვის

 

მიმდინარე წლისთვის განათლების, კულტურისა და სპორტის სამინისტროს ბიუჯეტიდან საგანმანათლებლო დაწესებულებების ინფრასტრუქტურის გაუმჯობესებისა და ინვენტარით აღჭურვისთვის 2 125 400 ლარი გამოიყო.

 

განათლების სამინისტროს ბიუჯეტი 2014 წლისთვის 34 028 200 ლარით განისაზღვრა და მისი 31,5 % აჭარაში განათლების, კულტურის, სპორტისა და კულტურული მემკვიდრეობის სფეროს განვითარებისა და პოპულარიზაციის მიზნობრივი პროგრამებისთვის არის გათვლილი.

საჯარო სკოლების ინფრასტრუქტურის გაუმჯობესებისთვის ბიუჯეტიდან 1 224 500 ლარი დაიხარჯება, რომლის ფარგლებშიცგანხორციელდება შვიდი სკოლის მშენებლობა-რეაბილიტაცია. ასევე დაგეგმილია ორი სკოლა-პანსიონის  მშენებლობა-რეაბილიტაცია  შუახევისა და ქედის მუნიციპალიტეტებში, რისთვისაც 500 000 ლარია გამოყოფილი.

საჯარო სკოლების ინვენტარით აღჭურვის პროცესი 2013 წელს დაიწყო, მიმდინარე წელს კი ამ პროცესს 10 საჯარო სკოლა შეუერთდება. ბიუჯეტიდან 180 ათასი ლარი დაიხარჯება 6 საჯარო სკოლის სპორტული დარბაზის კეთილმოწყობისთვის.

 1 368 700  ლარი განათლების ხელმისაწვდომობის გაზრდაზე დაიხარჯება. მიზანი მაღალმთიანი მუნიციპალიტეტების (ქედა, შუახევი, ხულო) საჯარო სკოლებში მასწავლებელთა დეფიციტის აღმოფხვრა და სწავლის ხარისხის გაუმჯობესებაა. 

 საჯარო სკოლების ბიბლიოთეკების განვითარებისთვის კი ბიუჯეტიდან 80 ათასი ლარი დაიხარჯება და აჭარის ა რ ადმინისტრაციულ ტერიტორიაზე არსებული 20 საჯარო სკოლის ბიბლიოთეკის წიგნადი ფონდით შეივსება. აღნიშნული პროგრამა შარშან ამოქმედდა და 20 საჯარო სკოლას  8 360 შემეცნებითი და მხატვრული ლიტერატურა გადაეცა.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"