„ბათუმელები“ შენობაში შეჭრილი ერთ-ერთი სოციალურად დაუცველის ნათესავს ესაუბრა.
„სახლი არ აქვთ, კარი არ აქვთ და შეიჭრნენ ცარიელ შენობაში. ერთ-ერთი ჩემი ოჯახის წევრია. უსახლკაროდაა, უბინაოდაა და შევიდნენ. სოციალურად დაუცველი ოჯახებია ყველა,“ – განუცხადა „ბათუმელებს“ აკაკი შანთიძემ.
შენობა აჭარის ფინანსთა და ეკონომიკის სამინისტროს ბალანსზეა. როგორც სამინისტროში განგვიცხადეს, ამჟამად საკითხს სწავლობენ და კომენტარს მოგვიანებით გააკეთებენ.