Batumelebi | აჭარის მთავრობის შეხვედრა ტრაპზონისა და რიზეს გუბერნატორებთან აჭარის მთავრობის შეხვედრა ტრაპზონისა და რიზეს გუბერნატორებთან – Batumelebi

აჭარის მთავრობის შეხვედრა ტრაპზონისა და რიზეს გუბერნატორებთან

 

 

ბათუმში რიზეს გუბრნატორი ნურულლაჰ ჩაქირი და ტრაპზონის ახალი  გუბერნატორი აბდილ ჯელილ ოზი იმყოფებიან ერთი დღით. მათთან აჭარის მთავრობამ გაცნობითი ხასიათის შეხვედრა გამართა.

 

 

აჭარის მთავრობის თავმჯდომარემ, არჩილ ხაბაძემ აღნიშნა, რომ ამ გუბერნიებსა და აჭარას შორის დიდი ხანია მებობრული ურთიერთობა არსებობს და მის გასაგრძელებლად ახალი გუბერნატორიც თანახმაა.

 

„თურქეთის რესპუბლიკის გუბერნიებთან: ართვინი, რიზე, ტრაპზონი, ტრადიციულად გვაქვს მეგობრული ურთიერთობა. დღეს იყო ტრაპზონის ახალ გუბერნატორთან გაცნობითი ხასიათის შეხვედრა. ვისაუბრეთ იმ პროექტებზე, ურთიერთობებზე, რაც აქამდე იყო ტრაპზონსა და აჭარას შორის კულტურის, განათლების, ტურიზმის მიმართულებით. ტრაპზონთან ახალმა გუბერნატორმაც გამოთქვა ურთიერთობის გაღრმავების სურვილი“. – ანიშნა არჩილ ხაბაძემ.

 

მხარეებს შორის სამომავლოდ  კულტურული ღონისძიებები იგეგმება არჩილ ხაბაძის განცხადებით, „ნოემბრის დასაწყისში იქნება ბათუმის დღეები ტრაპზონში, დაგეგმილია მხატვრების გამოფენა. ასევე სხვადასხვა კულტურული ღონისძიებები. იგეგმება ტრაპზონის დღეები ბათუმში იმიტომ, რომ ბათუმი და ტრაპზონი დამეგობრებული ქალაქები არიან.“

 

 „შეხვედრაზე განვიხილეთ ორ რეგიონს შორის თანამშრომლობის პერსპექტივები. ჩვენ მჭიდრო ურთიერთთანამშრომლობა გვაქვს. სავაჭრო, ეკონონიკურ და ტურიზმის სფეროში,“- განაცხადა შეხვედრის დასრულებისას ტრაპზონის გუბერნატორმა აბდილ ჯელილ ოზმა.

 

აბდილ ჯელილ ოზი ტრაპზონის გუბერნატორად აგვისტოში დაინიშნა.  

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი