საბერძნეთის დედაქალაქში, ათენში, საცხოვრებელი სახლის ჩამონგრევას ბოლო ცნობებით 6 ადამიანის სიცოცხლე ემსხვერპლა.
ბერძნული მედიის თანახმად, ორსართულიანი სახლის ჩამონგრევა ათენის ტურისტულ ზონაში, პლაკაზე, შესაძლოა, გაზის აფეთქებას მოჰყვა. ხელისუფლება აცხადებს, რომ სპეციალისტები მიზეზის დასადგენად მუშაობენ.
შემთხვევა პარასკევს, 25 სექტემბერს მოხდა. დღეს, 26 სექტემბერს, ბოლო ცნობების თანახმად, სახლის ჩამონგრევის შედეგად 4 ამერიკელი ტურისტი და 2 ადგილობრივი მცხოვრები დაიღუპა. მაშველებმა ცხედრები ნანგრევებიდან ამოასვენეს.
საბერძნეთის პოლიციის ცნობით, ჩამონგრეული სახლის მეზობელი შენობებიდან მოსახლეობა ევაკუირებულია.
_______________
ფოტო: ევროპის პრესფოტო სააგენტო. EPA/GEORGE VITSARAS