დღეს, 10 ივლისს, თბილისის საქალაქო სასამართლომ მუსიკოსი მაია დარსმელიძე 2 800 ლარით დააჯარიმა, მოქალაქე ნინო ჯღარკავას მიმართ ფეისბუქზე გამოქვეყნებული პოსტის გამო.
მაია დარსმელიძის ინტერესებს სასამართლოში „საერთაშორისო გამჭვირვალობა – საქართველო“ იცავდა.
მუსიკოსის წინააღმდეგ ადმინისტრაციული სამართალდარღვევის საქმის წარმოება შინაგან საქმეთა სამინისტროს იმ დეპარტამენტმა დაიწყო, რომელსაც საზოგადოება „სქრინვა-სქროლვის“ დეპარტამენტს უწოდებს.