ხელვაჩაურის მუნიციპალიტეტის სოფელ აჭარისაღმართში და-ძმა გარდაცვლილი იპოვეს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 116-ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
საგამოძიებო მოქმედებები დაწყებულია.
ადგილობრივების ინფორმაციით და- ძმას ძალადობის ნიშნები არ ეტყობოდა.
გარდაცვლილები პროზექტურაში, ექსპერტიზაზე გადაასვენეს.
„ბათუმელების“ ინფორმაციით, ცხედრები და-ძმის საცხოვრებელი სახლის მიმდებარედ, სხვადასხვა მხარეს იპოვეს.
სოფელში განხილავენ ვერსიას, რომ და ერთ-ერთი მათგანი სახლიდან მეორე პირის მოსაძებნად გავიდა. ადგილზეა ძმის ტელეფონი.
„ბათუმელების“ ინფორმაციით, და-ძმა დაახლოებით 30-დან 40 წლის ასაკის იყვნენ.