ბათუმში 3 იანვრიდან დროებით იზღუდება მოძრაობა მამია ვარშანიძის ქუჩაზე, ლუკა ასათიანის ქუჩიდან სულაბერიძის ქუჩამდე მონაკვეთში და შესაბამისად, №7 და №7ა მუნიციპალური ავტობუსები იმოძრავებენ სხვა მარშრუტით.
„ბათუმის ავტოტრანსპორტის“ ცნობით, №7 იმოძრავებს შემდეგ მარშრუტზე: სულაბერიძის ქუჩა → ბაგრატიონის ქუჩა → ასათიანის ქუჩა → ვარშანიძის ქუჩა.
ხოლო №7ა შემდეგ მარშრუტზე: ვარშანიძის ქუჩა → ასათიანის ქუჩა → ბაგრატიონის ქუჩა → სულაბერიძის ქუჩა.
შეგახსენებთ, რომ ბათუმში 3 იანვრიდან მარტის ბოლომდე სატრანსპორტო მოძრაობა შეიზღუდება მამია ვარშანიძის ქუჩაზე, ლუკა ასათიანის ქუჩიდან სულაბერიძის ქუჩამდე მონაკვეთში.
მერიის ცნობით, შეზღუდვა მამია ვარშანიძისა და ხახულის ქუჩების კეთილმოწყობის პროექტს უკავშირდება, რომლის ფარგლებშიც აღნიშნულ მონაკვეთზე განხორციელდება სანიაღვრე ქსელისა და ტროტუარის მოწყობა, განათების სისტემის რეაბილიტაცია და ასფალტის საფარის დაგება.
ასევე, 4 იანვრიდან 2 თვის განმავლობაში სატრანსპორტო მოძრაობა შეიზღუდება იაკობ გოგებაშვილის ქუჩაზე საავტომობილო გზის მარჯვენა მხარეს (სანაპიროს მხარე).
„პროექტის ფარგლებში, ილია ჭავჭავაძისა და რუსთაველის ქუჩებს შორის მონაკვეთში განხორციელდება არსებული ქვაფენილის დემონტაჟი, სანიაღვრე ქსელის, გზაგამყოფი მოაჯირების, ტროტუარების მოწყობა და ასფალტის საფარის დაგება“ – წერს მერია.
