ქობულეთის შემოვლით გზაზე ავტოსაგზაო შემთხვევის შედეგად მძიმედ დაშავდა 4 ადამიანი, მათ შორის, 3 მცირეწლოვანი ბავშვია.
შემთხვევა დღეს, 16 ივლისს, საღამოს მოხდა.
„ბათუმელების“ ინფორმაციით, დაშავებულები გადაყვანილი არიან კლინიკაში.
შს სამინისტროს ინფორმაციით, გამოძიება დაწყებულია სისხლის სამართლის კოდექსის 276-ე მუხლით, რაც ტრანსპორტის მოძრაობის ან ექსპლუატაციის წესის დარღვევას გულისხმობს.