დღეს, 8 მაისს, ბათუმის საქალაქო სასამართლოში მზია ამაღლობელის სასამართლო პროცესი იმართება. პროცესზე იკითხება პროკურატურის მიერ დაზარალებულად ცნობილი ბათუმის პოლიციის უფროსი ირაკლი დგებუაძე.
ირაკლი დგებუაძე ირწმუნება, რომ სილამ ლოყა ატკინა და ყური გაუწითლა.
ირაკლი დგებუაძის დაკითხვის პარალელურად მოსამართლე ნინო სახელაშვილმა სხდომიდან გააძევა მოქალაქე.
ირაკლი დგებუაძისთვის სილის გაწვნის გამო მზია ამაღლობელს პროკურატურა პოლიციელზე თავდასხმას ედავება. ბათუმელები/ნეტგაზეთის დამფუძნებელსა და მედიამენეჯერს ბრალის დამტკიცების შემთხვევაში 4-დან 7 წლამდე პატიმრობა ემუქრება.