უკრაინული მედიის ინფორმაციით, დღეს, 13 აპრილს, სუმის ოლქი რუსული ბალისტიკური რაკეტების სამიზნე გახდა.
რუსეთის სარაკეტო დარტყმის შედეგად სუმში დაიღუპა 20-ზე მეტი და დაშავდა 80-ზე მეტი მშვიდობიანი მოქალაქე, მათ შორის ბავშვები.
სუმის დაბომბვის შესახებ წერს უკრაინის პრეზიდენტი ვოლოდიმირ ზელენსკიც.
„მტრის რაკეტები ურტყამს ქალაქის ქუჩებს, სახლებს, საგანმანათლებლო დაწესებულებებს, მანქანებს ქუჩაში… და ეს იმ დღეს, როცა ხალხი მიდის ეკლესიებში: ბზობის კვირას, უფლის იერუსალიმში შესვლის დღესასწაულზე.
მხოლოდ ნაძირალას შეუძლია ასე მოქცევა. წაიღოს უდანაშაულო ადამიანებისგან სიცოცხლე. ვუსამძიმრებ ოჯახს და მეგობრებს.
ამჟამად მიმდინარეობს სამაშველო ოპერაცია“-წერს ზელენსკი ფეისბუქზე.
________________
მთავარი ფოტო: სუმი, რუსული სარაკეტო იერიშის შემდეგ/ფოტო: The Kyiv Independent.
