10 აპრილის ღამეს რუსეთმა უკრაინას 145 „შაჰედის“ და სხვადასხვა ტიპის დრონით შეუტია.
საჰაერო თავდაცვამ გაანადგურა 85 დრონი, თუმცა რუსეთის თავდასხმის შედეგად დაზარალდა უკრაინის ექვსი 6 რეგიონი – ინფორმაციას ამის შესახებ უკრაინის საჰაერო ძალების პრესსამსახური ავრცელებს.
რუსეთის თავდასხმის შედეგად დაზარალდნენ დონეცკის, ხარკოვის, კიევის, ხმელნიცკის, პოლტავას და მიკოლაევის ოლქები.
უკრაინული გამოცემა „უკრაინსკაია პრავდა“ წერს, რომ 10 აპრილის ღამეს რუსეთის თავდასხმამ დედაქალაქში ხანძარი გამოიწვია, დაიწვა კერძო სახლი, რის შედეგადაც ორი ადამიანი დაშავდა.
რუსული დრონების ნამსხვრევების ჩამოვარდნის შედეგად მიკოლაევის 10 მცხოვრები დაშავდა, ქალაქში დაზიანდა საცხოვრებელი მაღალსართულიანი კორპუსები, ადმინისტრაციული შენობა, ათობით ავტოფარეხი და მანქანა.
