ბათუმში, ფრიდონ ხალვაშის ქუჩაზე, ავტომანქანა ახალგაზრდა კაცს დაეჯახა, რომელიც სქროლით გადაადგილდებოდა.
შემთხვევა 27 მარტს მოხდა.
დაშავებული კლინიკაშია გადაყვანილი. მას ოპერაცია უტარდება.
როგორც კლინიკაში „ბათუმელებს“ უთხრეს, მოქალაქეს თავის ტრავმა აქვს.
შსს-ს ინფორმაციით, ფაქტზე გამოძიება დაწყებულია სსკ-ის 276-ე მუხლით, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას.