მოსამართლე მარიანა ფომაევამ ბათუმის საქალაქო სასამართლოში 5-5 ათასი ლარით დააჯარიმა პროევროპული აქციის მონაწილეები.
მათ შს სამინისტრო ზებრა გადასასვლელზე ინტენსიური მოძრაობით ხელოვნურად ბარიერის შექმნას ედავებოდა.
მოსამართლე მარიანა ფომაევამ დღეს, 11 მარტს, “ზებრა გადასასვლელის საქმეზე” ზედიზედ 18 პირი დააჯარიმა.
აქციის კიდევ 7 მონაწილის საქმეზე გადაწყვეტილება ხვალ გამოცხადდება.
5-5 ათასი ლარით უკვე დაჯარიმდნენ: დიანა ბოლქვაძე, თამარ სურმანიძე, ბადრი კოჩალიძე, არჩილ ბერიძე, ნათია ლეთოდიანი, დავით რობაქიძე, მანუჩარ ხოზრევანიძე, ქეთი პაქსაძე, მარიამ საგინაძე, ნუგზარ თაფლაძე, თათია აბულაძე, ლინდა ცინცაძე, არჩილ შოთაძე, გიორგი ჩხაიძე, ელიზბარ ჩხიკვაძე, გოჩა სურგულაძე და ანა ვაჩეიშვილი.
მოსამართლეს გადაწყვეტილებას თავიდან მსმენელი ჰყავდა, მაგალითად, სტუდენტებმა არჩილ ბერიძემ და ლინდა ცინცაძემ უშუალოდ მოისმინეს, რომ მას მოსამართლე 5 ათასი ლარით აჯარიმებს.
შემდეგ კი, მოსამართლე უკვე ისე აცხადებდა ჯარიმას ჯარიმაზე, რომ ამას არც აქციის მონაწილე ესწრებოდა, არც შსს-ს წარმომადგენელი.
მოსამართლემ ზებრაზე გადასვლის საქმის მონაწილეები 5-5 ათასი ლარით დააჯარიმა
მოსამართლემ ზებრაზე გადასვლის საქმის მონაწილეები 5-5 ათასი ლარით დააჯარიმა
მოსამართლეს არ განუმარტავს, რატომ გადაწყვიტა აქციის მონაწილეების დაჯარიმება.
საუბარია 2025 წლის 31 იანვრის აქციაზე, როცა აქციის მონაწილეებს პოლიციელებმა უთხრეს, რომ არ არიან „საკმარისი რაოდენობით“ და ქუჩის სავალი ნაწილი უნდა გაათავისუფლონ. აქციის მონაწილეების ინტერესებს საია იცავდა, რომელიც ყურადღებას ამახვილებს იმაზე, რომ ზებრაზე გადაადგილება სრულიად ჯდებოდა გამოხატვის თავისუფლებაში.
ამ მომენტისთვის არც სამუშაო საათები იყო.
ზებრაზე მოძრაობა ბათუმში – 31 დეკემბერი
