დღეს, 3 სექტემბერს, 17:00-საათიანი თბილისი-ბათუმის რეისი გაუქმდა – ინფორმაციას საქართველოს რკინიგზა ავრცელებს.
რეისის გაუქმების მიზეზი დღეს რკინიგზაზე მომხდარი ავარია გახდა, რის შედეგადაც რკინიგზის ორი თანამშრომელი დაიღუპა. დღეს, 3 სექტემბერს, ბათუმიდან თბილისში მიმავალი მატარებელი სამუშაო პლატფორმას დაეჯახა.
რკინიგზა აცხადებს, რომ მგზავრებს გაუქმებული რეისის ბილეთის თანხას აუნაზღაურებს.