უკრაინის დაზვერვის ცნობით, უკრაინელებმა 3 აგვისტოს, რუსეთში, როსტოვის ოლქში მდებარე მოროზოვსკის აეროდრომზე თავდასხმის შედეგად გამანადგურებელი სუ-34 და საბრძოლო მასალის საცავი ააფეთქეს.
სავარაუდოდ, თავდასხმის შედეგად დაზიანდა კიდევ ორი რუსული თვითმფრინავი.
უკრაინის დაზვერვის მთავარი სამმართველო წერს, რომ აეროდრომის ტერიტორიაზე მთლიანად განადგურდა იარაღის საწყობი.
3 აგვისტოს, ღამით, უკრაინის შეიარაღებული ძალების გენერალურმა შტაბმა გაავრცელა ინფორმაცია რუსეთში, მოროზოვსკის აეროდრომზე თავდასხმის შესახებ, 4 აგვისტოს კი მედიაში გამოქვეყნდა სატელიტური სურათები, სადაც ნაჩვენებია თავდასხმის შედეგები რუსეთის აეროდრომზე.
_______________
ფოტოზე: სატელიტიდან გადაღებული ფოტო. წყარო: gur.gov.ua