მთავარი,სიახლეები

ბათუმიდან ელ ქუვეითის მიმართულებით ივნისში პირდაპირი ფრენები დაიწყება

22.02.2024 • 3369
ბათუმიდან ელ ქუვეითის მიმართულებით ივნისში პირდაპირი ფრენები დაიწყება

საქართველოს სამოქალაქო ავიაციის სააგენტოს ინფორმაციით, 2024 წლის ივნისიდან ბათუმის მიმართულებით ქუვეითური დაბალბიუჯეტური ავიაკომპანია „Jazeera Airways“-ი დაიწყებს ოპერირებას. ფრენები ქუვეითის დედაქალაქ ელ ქუვეითიდან ბათუმის მიმართულებით და უკან, კვირაში შვიდი სიხშირით შესრულდება.

„ავიაკომპანიის მიერ საქართველოს სამოქალაქო ავიაციის სააგენტოში წარმოდგენილი განაცხადის მიხედვით, ფრენები ელ ქუვეითსა და ბათუმს შორის 2024 წლის 14 ივნისიდან, 16 სექტემბრამდე, კვირაში 7 სიხშირით შესრულდება. რეგულარული საჰაერო მიმოსვლის განხორციელების ნებართვა Jazeera Airways-ს სააგენტომ 2024 წლის 20 თებერვალს მიანიჭა.

ელ ქუვეითი – ბათუმი – ელ ქუვეითის მიმართულება ახალია ავიაკომპანიისთვის. ამ ეტაპისთვის, „Jazeera Airways“-ი რეგულარულ რეისებს ელ ქუვეითი – თბილისი – ელ ქუვეითის საჰაერო ხაზზე ახორციელებს.“ – აღნიშნულია სამოქალაქო ავიაციის სააგენტოს მიერ გავრცელებულ ინფორმაციაში.

ქუვეითთან საქართველოს უვიზო რეჟიმი არ აქვს.

საქართველოს საგარეო საქმეთა სამინისტროს ინფორმაციით: ქუვეითის სახელმწიფოში შესასვლელად საქართველოს მოქალაქეს ვიზის [90 დღემდე მოქმედების ვადით] მიღება შეუძლია სასაზღვრო გამშვებ პუნქტზე. ვიზის საფასური შეადგენს 6 KWD ქუვეითურ დინარს [დაახლოებით 21 აშშ დოლარი].

ფოტო: სამოქალაქო ავიაციის სააგენტოს ფეისბუქგვერდიდან

 

 

 

გადაბეჭდვის წესი


ასევე: