ბულგარეთმა 2 ოქტომბრიდან ქვეყანაში რუსული ნომრის მქონე მანქანების შესვლა აკრძალა.
ამის შესახებ ბულგარეთის სასაზღვრო პოლიციის უფროსმა ანტონ ზლატანოვმა განაცხადა.
ბულგარეთში შესვლის აკრძალვა ვრცელდება რუსული ნომრების მქონე მსუბუქ და სატვირთო მანქანებზე.
მსგავსი ზომები ადრე შემოიღეს ლიეტუვამ, ლატვიამ, ესტონეთმა, პოლონეთმა და ფინეთმა, რომლებიც ესაზღვრებიან რუსეთს. შეზღუდვა დაწესებულია ევროკავშირის მიერ რუსეთის წინააღმდეგ დაწესებული სანქციების საფუძველზე.
აკრძალვის შემოღებამდე რუსეთიდან ბულგარეთში სახმელეთო გზით მოხვედრა თურქეთის ტერიტორიის გავლით იყო შესაძლებელი.