ომის კვლევის ამერიკული ინსტიტუტის [ISW] ბოლო, 28 სექტემბრის ანგარიშის თანახმად, ბოლო დღეებში რუსეთის ჯარებმა შეანელეს შეტევითი ოპერაციების ტემპი კუპიანსკი-სვატოვო-კრემენნაიას ხაზის გასწვრივ.
რუსი და უკრაინელი ოფიციალური პირები სულ უფრო ხშირად აფიქსირებენ, რომ კუპიანსკისა და ლიმანსკის ხაზზე რუსეთის სახმელეთო თავდასხმები შემცირდა. ეს ადასტურებს, რომ უკრაინის კონტრშეტევა რუსეთის შეტევას ასუსტებს ამ მიმართულებაზე – მიიჩნევენ ანალიტიკოსები.
ISW-ის წინასწარი შეფასებით, რუსეთის შეტევითი ოპერაციები კუპიანსკი-სვატოვო-კრემენნაიას მიმართულებით მიზნად ისახავდა უკრაინული ჯარების დამაგრებას ამ ხაზზე. შესაბამისად, ფრონტის უფრო მნიშვნელოვანი სექტორებიდან მათ ჩამოშორებას.
ამავე დროს, ISW-ი წერს, რომ რუსული ავიაცია სულ უფრო აქტიურია ხარკოვის, ლუგანსკისა და ხერსონის ოლქებში – როგორც ჩანს, ნაკლებად აქტიურია დასავლეთ ზაპოროჟიეს რაიონებში, სადაც უკრაინული ძალები აწარმოებენ კონტრშეტევას.
მარიუპოლის მერის მრჩეველზე, პეტრო ანდრიუშენკოზე დაყრდნობით ანგარიშში აღნიშნულია, რომ უკრაინელმა პარტიზანებმა ცეცხლი წაუკიდეს რუსეთის სამხედრო ობიექტს ოკუპირებულ იალტაში, დონეცკის ოლქში (მარიუპოლიდან სამხრეთ-დასავლეთით 21 კმ).
