ომის კვლევის ამერიკული ინსტიტუტი – ISW რუსეთ-უკრაინის ომის ბოლო მიმოხილვაში წყაროზე დაყრდნობით წერს, რომ პუტინმა, სავარაუდოდ, რუსეთის თავდაცვის მინისტრს სერგეი შოიგუს 2023 წლის ოქტომბრამდე მისცა ერთთვიანი ვადა ფრონტზე სიტუაციის გასაუმჯობესებლად, უკრაინის კონტრშეტევის შესაჩერებლად და ინიციატივის რუსეთის ჯარებისთვის დასაბრუნებლად.
ISW-ი წერს, რომ ეს ინფორმაცია შეიძლება მიუთითებდეს, იმაზე, რომ რუს სამხედრო მეთაურებს აქვთ უწყვეტი კონტრშეტევის ბრძანება, მაშინაც კი, თუ ეს რუსეთს მძიმე ფასად დაუჯდება.
ISW-ი წერს, რომ 24 სექტემბრის მდგომარეობით, უკრაინული ძალები უტევენ სამი მიმართულებით ორეხოვოს მიმართულებაზე.
ომის კვლევის ამერიკული ინსტიტუტი აღნიშნავს, რომ შესაძლოა, უკრაინულმა ძალებმა მიაღწიონ ოპერატიულად მნიშვნელოვან გარღვევას სამხრეთ ფრონტზე, რამდენიმე ძირითადი ვარაუდის გამართლების შემთხვევაში.
ანგარიშში ასევე ნათქვამია, რომ რუსეთის ძალები განაგრძობენ შეტევას კუპიანსკი-სვატოვე-კრემინას ხაზის გასწვრივ, ბახმუტთან, ავდიივკა-დონეცკის ქალაქის ხაზის გასწვრივ და დასავლეთ ზაპოროჟიეს ოლქში.
