19 სექტემბერს, ღამით, რუსეთი 18 „შაჰედით“ დაესხა თავს უკრაინაში ლვოვის ოლქს. უკრაინული მხარის ცნობით, საჰაერო თავდაცვამ 15 „შაჰედი“ ჩამოაგდო, თუმცა სამი დრონი სამიზნეს მოხვდა.
„შაჰედები“მოხვდა ლვოვის სამრეწველო საწყობებს. ბოლო ცნობების თანახმად, თავდასხმის შედეგად დაიღუპა ერთი ადამიანი, მუშა, რომელიც ნანგრევებში იპოვეს და დაშავდა 26 წლის ახალგაზრდა კაცი, რომელიც თავდასხმის დროს საწყობში იმყოფებოდა. ის საავადმყოფოში გადაიყვანეს.
შემთხვევის ადგილზე ქალიც იმყოფებოდა, რომელსაც ჰოსპიტალიზაცია არ დასჭირდა.
ხანძარი საწყობებში ოთხ ადგილას გაჩნდა. მეხანძრეები ამ დრომდე მუშაობენ ხანძრის ჩასაქრობად.
_______________
ფოტოზე: კადრი ლვოვში ხანძრის ამსახველი ვიდეომასალიდან/telegram