კომპანია „სოკარ ჯორჯია გაზი“ ქობულეთისა და ხელვაჩაურის 13 სოფლის გაზიფიცირებას იწყებს. გეგმის მიხედვით, წლის ბოლომდე გაზის გაყვანა უნდა დასრულდეს ქობულეთის მუნიციპალიტეტის სოფლებში: ქვედა სამება, ბობოყვათი, ქვედა დაგვა, ხუცუბანი, ნაკაიძეები, დაგვა; ასევე ხელვაჩაურის მუნიციპალიტეტის სოფლებში: კაპრეშუმი, ზედა ახალშენი, ახალშენი, ხეღრუ, განახლება, სამება, ქვედა სამება.
აჭარის მთავრობის პრესსამსახურის ინფორმაციით, აღნიშნული პროექტის ფარგლებში, ქობულეთისა და ხელაჩაურის მუნიციპალიტეტებში გაზიფიცირების სამუშაოები 320 კილომეტრიან მონაკვეთს და 4855 აბონენტს მოიცავს.