2 აგვისტოს, ღამე, რუსეთის საოკუპაციო ძალებმა ოდესის პორტზე მიიტანეს იერიში. რუსეთის მიერ გაშვებული ირანული „შაჰედების“ თავდასხმის შედეგად დაზიანდა ოდესის პორტის ინფრასტრუქტურა, ლიფტი და მარცვლეულის საცავები.
ასევე, რუსეთმა დრონებით მიიტანა იერიში მდინარე დუნაის დელტაში მდებარე ისმაილის პორტის ადმინისტრაციულ შენობაზე.
უკრაინული მედია წერს, რომ რუსეთი ცდილობს სწორედ პოსტის ინფრასტრუქტურა გაანადგუროს დუნაის პირას, რათა უკრაინიდან ვერ მოხერხდეს მარცვლეულის გატანა მას შემდეგ, რაც რუსეთი გავიდა ე.წ. „მარცვლეულის შეთანხმებიდან“.
გუშინ, პირველ აგვისტოს, „ფორბსი“ წერდა, რომ შავ ზღვაში რუსეთის მიერ უკრაინის მიმართ გამოცხადებული საზღვაო ბლოკადა გაარღვია სამმა სამოქალაქო სატვირთო გემმა მარცვლეულის გადასატანად და ისმაილის პორტში შევიდა.
_________________
ფოტოზე: იზმაილის ნავსადგურის ადმინისტრაციული შენობა