უკრაინაში, ოკუპირებულ ყირიმში, საბრძოლო მასალების საწყობში აფეთქება მოხდა.
რუსეთის მიერ ოკუპირებული ყირიმის ე.წ. მთავრობის უფროსმა, სერგეი აქსიონოვმა განაცხადა, რომ ყირიმში ჩამოაგდეს უკრაინის 11 უპილოტო საფრენი აპარატი. თუმცა საბრძოლო დრონი ჯანკოის რეგიონში საბრძოლო მასალის საცავს დაესხა თავს.
მისივე თქმით, ამ დროისთვის შეჩერებულია მოძრაობა რკინიგზაზე ჯანკოის რაიონში და ჯანკოი-სიმფეროპოლის გზატკეცილზე.
გარდა ამისა, მიმდინარეობს მოსახლეობის ევაკუაცია აფეთქებიდან 5 კილომეტრის რადიუსში.
უკრაინის ხელისუფლება ტრადიციულად არ აკეთებს კომენტარს ოკუპირებულ ტერიტორიაზე და რუსეთში მომხდარ აფეთქებებზე.