უკრაინაში, ქალაქ სუმში, 3 ივლისს საცხოვრებელ კორპუსზე რუსეთის დრონების თავდასხმის შედეგად დაიღუპა სამი ადამიანი, დაშავდა – 21.
დღეს, 4 ივლისს, სუმში გლოვის დღე გამოცხადდა.
ქალაქ სუმზე რუსეთის თავდასხმას წუხელ გამოეხმაურა უკრაინის პრეზიდენტი.
„სამწუხაროდ, ჩვენს სახელმწიფოს ჯერ კიდევ არ აქვს საკმარისი რაოდენობის, მაღალი ხარისხის საჰაერო თავდაცვის სისტემები, რომ დაიცვას მთელი ჩვენი ტერიტორია და ჩამოაგდოს მტრის ყველა სამიზნე. მტერი სარგებლობს ამით, როგორც დღეს მოხდა“ – განაცხადა ზელენსკიმ. მან დასძინა, რომ ყველაფერი „შესაძლებელი და შეუძლებელი“ უნდა გაკეთდეს იმისათვის, რომ უკრაინაში საჰაერო თავდაცვა ყველაზე ძლიერი იყოს.
