ბათუმის მერიის გამწვანებისა და ლანდშაფტური დაგეგმარების სამსახურის ინფორმაციით, ბათუმის პარკებსა და სკვერებში ინფრასტრუქტურის დაზიანების და მწვანე ნარგავების მოპარვის ფაქტები გამოვლინდა.
„დაფიქსირდა ინფრასტრუქტურის, საყვავილე კლუმბების, ხე-მცენარეების დაზიანებისა და მწვანე ნარგავების მოპარვის ფაქტები.
აეროპორტის გზატკეცილზე კი ავტომანქანით ერთწლოვანი ნარგავები დააზიანეს. ათეულობით მცენარე მოიპარეს რუსთაველის ქუჩაზე.
აღნიშნულთან დაკავშირებით დაწყებულია მოკვლევა“ – აცხადებს „მწვანე ბათუმი“.
გამწვანების სამსახური მოუწოდებს მოსახლეობას, რომ გამოიჩინონ მაღალი მოქალაქეობრივი პასუხისმგებლობა და გაუფრთხილდნენ გარემოს და ქალაქს.
_____________
ფოტო: „მწვანე ბათუმი“/facebook