ბათუმში დღეს, 19 ივნისს, 8 ათასზე მეტ აბონენტს ბუნებრივი აირის მიწოდება შეუწყდა.
კომპანია „სოკარის“ ცხელ ხაზზე „ბათუმელებს“ უთხრეს, რომ მიზეზი ავარიაა: „ერთ-ერთმა სამშენებლო კომპანიამ მიწისქვეშა გაზსადენი მილი დააზიანა“.
„ამ დროისთვის [16:40 სთ] გაზის მიწოდების აღდგენა დაწყებულია. ჩართვა ეტაპობრივად მიმდინარეობს და დღის ბოლომდე ყველა აბონენტს აღუდგება გაზის მიწოდება. კონკრეტულ დროს ვერ გეტყვით. მიმდინარეობს მუშაობა“ – გვითხრეს კომპანიის ცხელ ხაზზე.
„სოკარი“ აფრთხილებს აბონენტებს, რომ „გაზის დანადგარები და ონკანები იქონიონ ჩაკეტილ მდგომარეობაში“.
განახლება: ზოგიერთ აბონენტს მიუვიდა მოკლე ტექსტური შეტყობინება, რომ გაზის მიწოდების აღდგენა არა 19 ივნისს, არამედ ეტაპობრივად დაიწყება 20 ივნისის დილის 9 საათიდან და 20 ივნისის დღის 12 საათამდე დასრულდება.
დღეს, 20 ივნისს კი, „სოკარის“ ცხელ ხაზზე „ბათუმელებს“ უთხრეს, რომ „აღდგენითი სამუშაოები კვლავ მიმდინარეობს და დღის ბოლომდე გაზს ყველა აბონენტს ჩაურთავენ“.