მთავარი,სიახლეები

ზალუჟნიმ არ ააფეთქებინა კიევის ხიდები ომის პირველ დღეებში – BBC

15.06.2023 • 2729
ზალუჟნიმ არ ააფეთქებინა კიევის ხიდები ომის პირველ დღეებში – BBC

„გენერალი ვოლდემორი. როგორ გახდა ვალერი ზალუჟნი უკრაინის არმიის ყველაზე პოპულარული სარდალი“ – ამ სათაურით აქვეყნებს „ბიბისი“ ვრცელ სტატიას ზალუჟნის შესახებ.

სტატიაში განხილულია ზალუჟნის კარიერა და ასევე, მოცემულია ერთი ეპიზოდი 2022 წლის თებერვალში, ომის პირველ დღეებში მომხდარი ამბებიდან.

კერძოდ, საუბარია იმაზე, რომ ზალუჟნიმ ამ მისცა უფლება აეფეთქებინათ ხიდები მდინარე დნეპრზე, კიევის მახლობლად.

„ბიბისი“ წერს, რომ 26 თებერვალს, რუსეთის უკრაინაში სრულმასშტაბიანი შეჭრის მესამე დღეს უკრაინის მთავრობის წევრებმა დაიწყეს დნეპრზე კიევის ყველა ხიდის აფეთქების შესახებ იდეის განხილვა. ეს შესაძლებელს გახდიდა რუსეთის არმიის შეტევის შეკავებას ბუნებრივი დაბრკოლებით.

გამოცემის ცნობით, სწორედ მაშინ, ომის მესამე დღეს, ხელისუფლების ერთ-ერთმა მაღალჩინოსანმა უკრაინის უსაფრთხოების სამსახურის მაშინდელ უფროსს, ივან ბაკანოვს უბრძანა ხიდების აფეთქება.

„სიტუაცია იოლი არ იყო. ბაკანოვმა უკრაინის შეიარაღებული ძალების მთავარსარდალს, გენერალ ვალერი ზალუჟნის დაურეკა. მან მოსმენის შემდეგ, უყოყმანოდ უპასუხა:

„ხიდების აფეთქება? არავითარ შემთხვევაში. ეს იქნება მათი ღალატი, ვინც დნეპრის მარცხენა სანაპიროზე დარჩება – სამხედროებისაც და მოქალაქეებისაც“.

დრომ აჩვენა, რომ სამი დღე-ღამის უძილო გენერლის მიერ მიღებული გადაწყვეტილება სწორი აღმოჩნდა“ – წერს „ბიბისი“.

სტატიაში ასევე ნათქვამია იმის შესახებ, რომ „რკინის გენერლის“ წოდების მიუხედავად უკრაინელ სამხედროებს შორის ზალუჟნი ცნობილია როგორც “ჰუმანური გენერალი”. იგი შეიძლება გამოჩნდეს უკრაინელი ოფიცრის ქორწილში და ბახმუტთან დაღუპული 27 წლის გმირის დაკრძალვაზე დედის წინაც დაიჩოქოს. ასევე, ცნობილია რამდენიმე შემთხვევა, როდესაც სამხედროებმა, რომლებმაც ზალუჟნის მესიჯები მისწერეს, პასუხი მიიღეს, მოგვიანებით კი მთავარსარდალი მათ პირადად გაეცნო.

გადაბეჭდვის წესი


ასევე: