რუსეთ-უკრაინის ომი 2022 წლის 24 თებერვალს, კიევის დროით დილის 5 საათზე დაიწყო. რუსეთის შეიარაღებული ძალები სახმელეთო, საზღვაო და საჰაერო გზით დაესხნენ თავს უკრაინას.
______________
ფოტო: ევროპის პრესფოტო სააგენტო. EPA-EFE/MIGUEL A. LOPES
უკრაინის პროკურატურის ინფორმაციით, უკრაინაში რუსეთის შეიარაღებული აგრესიის შედეგად 478 ბავშვი დაიღუპა და 960-ზე მეტი დაშავდა.
დაღუპულებს შორისაა პირველ მაისს ჩერნიგოვის რაიონის სოფელ ლიზუნოვკაში დაბომბვის შედეგად დაღუპული 14 წლის მოზარდი.
პროკურატურის ცნობით, ყველაზე მეტი – 453 ბავშვი დაშავდა დონეცკის ოლქში, 275 – ხარკოვში, 128 კი – კიევის ოლქში.
ეს რიცხვები საბოლოო არ არის, ინფორმაცია მსხვერპლისა და დაშავებულების შესახებ ჯერ ისევ ზუსტდება, რადგან უკრაინის ქალაქებსა და სოფლებში აქტიური საომარი მოქმედებები მიმდინარეობს. ასევე, ამ მონაცემებში არ შედის ქალაქ მარიუპოლში დაღუპული და დაშავებული ბავშვების სტატისტიკა, რადგან მარიუპოლი ოკუპირებულია რუსეთის მიერ და ინფორმაციის დაზუსტება შეუძლებელია.
