მოსამართლე ალექსანდრე გოგუაძემ სამართალდამრღვევად მიიჩნია თამაზ ბაკურიძე. მას მოსამართლემ სიტყვიერი შენიშვნა გამოუცხადა.
„დაუმორჩილებლობის ნიშნები იყო, თქვენ ორგანიზატორი იყავით…,“ – უთხრა მოსამართლემ თამაზ ბაკურიძეს, ვიდრე ის სხდომათა დარბაზს დატოვებდა.
თამაზ ბაკურიძე 6 აპრილს დააკავა აღსრულების პოლიციამ ადმინისტრაციული წესით ბათუმში, ვაჟა-ფშაველას ქუჩაზე, ერთ-ერთი ოჯახის გამოსახლების დროს. ის პოლიციელებს მოუწოდებდა, შეეჩერებინათ კაცი, ვინც გამოსახლების გამო სახლის სახურავზე აძვრა და თავის დაწვას აპირებდა.
თამაზ ბაკურიძის საქმე მოსამართლე ალექსანდრე გოგუაძემ 24 აპრილს განიხილა.
თამაზ ბაკურიძე ორგანიზაცია „ჩვენი უფლებებისთვის“ ხელმძღვანელია.
გამოძიება გრძელდება აღსრულების პოლიციის მხრიდან თამაზ ბაკურიძის მიმართ ჩადენილ სავარაუდო ფიზიკურ ძალადობაზე – თამაზ ბაკურიძის თქმით, მასზე დაკავების დროს პოლიციელებმა იძალადეს.
ბათუმის საქალაქო სასამართლოსთან სხდომის დასრულების შემდეგ აქცია გაიმართა – აქცია ისევ „ოცნების ქალაქში“ მცხოვრებმა და იპოთეკით დაზარალებულმა ადამიანებმა გამართეს.
აქციის მონაწილეებმა საპროტესტო მსვლელობით უმაღლეს საბჭოსთან გადაინაცვლეს, შემდეგ კი – სპეციალური საგამოძიებო სამსახურის ბათუმის ოფისთან. ეს უწყება იძიებს თამაზ ბაკურიძის მიმართ ფიზიკური ძალადობის შემთხვევას.
აქცია სპეციალური საგამოძიებო სამსახურის ბათუმის ოფისთან / 26.04.2023
აქციის მონაწილეები მიიჩნევენ, რომ გამოძიება აგვიანებს რეაგირებას.
ამ თემაზე:
https://batumelebi.netgazeti.ge/news/475964/
