თურქეთის სამხრეთ-აღმოსავლეთში მომხდარი დამანგრეველი მიწისძვრის შედეგად დაღუპულთა რიცხვმა 50 096-ს მიაღწია – განაცხადა თურქეთის კატასტროფებისა და საგანგებო სიტუაციების მართვის სამსახურმა (AFAD).
ინფორმაციას ამის შესახებ თურქული მედია ავრცელებს.
თურქეთში 13,5 მილიონზე მეტი ადამიანი დაზარალდა დამანგრეველი მიწისძვრების შედეგად, ისევე როგორც მრავალი სხვა ჩრდილოეთ სირიაში.
შვიდ მაგნიტუდაზე მეტი სიმძლავრის ორი მიწისძვრა თურქეთის სამხრეთ-აღმოსავლეთით 6 თებერვალს მოხდა, რასაც მასობრივი ნგრევა და უდიდესი ადამიანური მსხვერპლი მოჰყვა.
მიწისძვრების ადგილას 354 „კარვების ქალაქია“ გაშლილი, სადაც 1,9 მლნ ადამიანი ცხოვრობს ამჟამად.
_______________
მიწისძვრა თურქეთში. ფოტო: EPA-EFE/SEDAT SUNA