პოლონეთი მზადაა გადმოგვცეს F-16-ები, თუ ნატო თანახმა იქნება – ერმაკი

უკრაინის პრეზიდენტის აპარატის უფროსის, ანდრეი ერმაკის ცნობით, ავიაგამანადგურებელ F-16-ის მოპოვებაზე მუშაობა გრძელდება.

„არის პოზიტიური სიგნალები პოლონეთიდან, რომელიც მზად არის გამოგვიგზავნოს F-16-ები ნატოსთან კოორდინაციით“, – წერს ერმაკი ტელეგრამზე.

პოლონეთის პრემიერ-მინისტრმა მატეუშ მორავიეცკიმ 30 იანვარს ბრიფინგზე დასმულ კითხვას, მზადაა თუ არა პოლონეთი უკრაინას გადასცეს თავისი F-16-ები, უპასუხა, რომ ნებისმიერი საჰაერო ძალების გადაყვანა შესაძლებელია უკრაინაში ნატოს ქვეყნებთან შეთანხმებით და პოლონეთი იმოქმედებს მოკავშირეებთან სრული კოორდინაციით.

„ისე, როგორც ეს მოხდა რამდენიმე თვის წინ МиГ-ებთან დაკავშირებით, ნებისმიერი საჰაერო ძალის გადაცემა შესაძლებელია ნატოს ქვეყნებთან შეთანხმებით“ – განაცხადა მან.

მანამდე ნიდერლანდების საგარეო საქმეთა მინისტრმა ვოპკე ჰოექსტრამ განაცხადა, რომ ნიდერლანდები მზად არის, განიხილოს უკრაინისთვის F-16-ების მიწოდება, თუკი ასეთი მოთხოვნა იქნება.

_________________

ფოტო: ვიკიპედია