ბათუმი,მთავარი,მთიანი აჭარა,სიახლეები

სარფის პლაჟზე ინფრასტრუქტურის მოსაწყობად პროექტს შეისყიდიან

29.01.2023 • 1392
სარფის პლაჟზე ინფრასტრუქტურის მოსაწყობად პროექტს შეისყიდიან

ხელვაჩაურის მერია სოფელ სარფის სანაპირო ზოლში კიბეების, ბილიკის, პანდუსის, საშხაპეების და გასახდელების მოსაწყობად საპროექტო-სახარჯთაღრიცხვო დოკუმენტაციას შეისყიდის.

შესაბამისი ტენდერი ხელვაჩაურის მუნიციპალური ინსპექციის, ინფრასტრუქტურისა და კეთილმოწყობის სამმართველომ 20 ათასი ლარით გამოაცხადა.

პირობის მიხედვით, საპროექტო-სახარჯთაღრიცხვო დოკუმენტაცია უნდა მოიცავდეს თანამედროვე სტანდარტებით გათვალისწინებული შშმ პირებისათვის ადაპტირებული კიბეების, ბილიკის, პანდუსის საშხაპეების და გასახდელების მოწყობას.

ამასთან, „გამარჯვებული კომპანიის მიერ პროექტის დაგეგმარების დროს ყოველი მნიშვნელოვანი გადაწყვეტილება შეთანხმებული უნდა იქნას შემსყიდველთან“.

პროექტი და ხარჯთაღრიცხვა მერიის სამმართველოს ხელშეკრულების გაფორმებიდან 20 დღის ვადაში უნდა ჩაბარდეს [ექსპერტიზის მომსახურების ვადის ჩათვლით].

ელექტრონულ ტენდერში წინადადებების მიღება 2023 წლის 4 თებერვალს დაიწყება და 7 თებერვალს დასრულდება.

სარფი/2016 წ. / ფოტო „ბათუმელების“ არქივიდან

 

გადაბეჭდვის წესი


ასევე: