მთავარი,სიახლეები

„20 დღე მარიუპოლში“ – დოკუმენტური ფილმი სანდენსის კინოფესტივალის გამარჯვებულია

28.01.2023 • 852
„20 დღე მარიუპოლში“ – დოკუმენტური ფილმი სანდენსის კინოფესტივალის გამარჯვებულია

მარიუპოლის შესახებ გადაღებულმა დოკუმენტურმა ფილმმა – 20 DAYS IN MARIUPOL, აშშ-ში, სანდენსის კინოფესტივალზე მაყურებლის ჯილდო მოიპოვა. ფილმის რეჟისორი და პროდიუსერი Associated Press-ის უკრაინელი ვიდეოჟურნალისტი მსტისლავ ჩერნოვია.

ჯილდოს მოპოვებას საკუთარი ფეისბუკის გვერდზე მსტისლავ ჩერნოვიც გამოეხმაურა.

20 დღე მარიუპოლში – ფილმის დაჯილდოვება

„ჩვენი გუნდისთვის ეს არ არის მიღწევა, ეს არის პატივი.

უკრაინული დოკუმენტური ფილმების წარმოდგენა და ამ პლატფორმის გამოყენება, ყურადღების მიქცევა უკრაინელი ხალხის, განსაკუთრებით მარიუპოლის მაცხოვრებლების გაჭირვებაზე, გამძლეობასა და მამაცობაზე, პრივილეგიაა.

ვიმედოვნებ, ეს ფილმი არა მხოლოდ აამაღლებს საერთაშორისო საზოგადოების ცნობიერებას და მხარდაჭერას, არამედ ასევე წარმოადგენს უკრაინაში რუსეთის შეჭრისა და მარიუპოლში მომხდარი პოტენციური ომის დანაშაულების შესახებ მუდმივ ჩანაწერს“, – წერს მსტისლავ ჩერნოვი.

მსტისლავ ჩერნოვი საერთაშორისო ჟურნალისტია, რომელიც მარიუპოლში ბლოკადას ორ კვირაზე მეტ ხანს აშუქებდა და გადაღებული აქვს მარიუპოლის სამშობიაროს დაბომბვის კადრებიც.

„20 დღე მარიუპოლში“, სანდენსის კინოფესტივალის გამარჯვებულია.

დოკუმენტური ფილმი კინოფესტივალზე United Airlines-მა წარადგინა.

გადაბეჭდვის წესი


ასევე: