მთავარი,სიახლეები

უკრაინელებმა ახალი თავდაცვის ხაზი სავარაუდოდ ბახმუტის დასავლეთით ააგეს – ბრიტანეთის დაზვერვა

18.01.2023 • 887
უკრაინელებმა ახალი თავდაცვის ხაზი სავარაუდოდ ბახმუტის დასავლეთით ააგეს – ბრიტანეთის დაზვერვა

გაერთიანებული სამეფოს დაზვერვის 18 იანვრის ანგარიში დონბასის ქალაქ სოლედარიდან უკრაინული ძალების სავარაუდო უკან დახევას მიმოიხილავს. როგორც ანგარიშში ვკითხულობთ, 2023 წლის 16 იანვრის ბოლოსთვის უკრაინის ძალებმა დიდი ალბათობით სოლედარი რუსი სამხედროებისა და „ვაგნერის“ დაჯგუფების კონტროლქვეშ დატოვეს.

ბრიტანული დაზვერვის ცნობით, უკრაინელმა სამხედროებმა ახალი თავდაცვის ხაზი სავარაუდოდ დასავლეთით ააგეს.

გაერთიანებული სამეფოს დაზვერვის სამსახურის შეფასებით, სოლედარის აღება ძირითადად „ვაგნერის“ დაჯგუფების შედეგი იყო და წარმოადგენდა ბახმუტის – უფრო დიდი დასახლების აღებაში დამხმარე ოპერაციას. ამ ეტაპზე, როგორც ბრიტანელი დაზვერვის ანალიტიკოსები იუწყებიან, ბახმუტის მომარაგების ორი ძირითადი მარშრუტიდან, რომლებსაც უკრაინელები იყენებენ, ერთ-ერთი მზარდი ზეწოლის ქვეშაა.

როგორც ბრიტანული დაზვერვის ანგარიშშია აღნიშნული, სატელიტური გამოსახულებები აჩვენებს, რომ 2023 წლის იანვრიდან ბახმუტის სამხრეთი და აღმოსავლეთი კვლავაც ინტენსიური საარტილერიო დაბომბვის სამიზნეა.

2023 წლის 8 იანვრის გამოსახულებების ანალიზმა ბახმუტსა და ბახმუტის გარშემო მძიმე ბრძოლების დამატებითი მტკიცებულებები გამოავლინა. ბახმუტში უკრაინულ კულტურის ცენტრს აქვს მიღებული დაზიანებები, ხოლო ახალმა არაპირდაპირმა ცეცხლი მოიცვა არაერთი არეა ქალაქის გარეთ [მონიშნულია მუქ ფერებში].

„თითქმის დარწმუნებით შეიძლება ითქვას, რომ უკრაინული ძალები აგრძელებენ ქალაქის შემოგარენის დაცვას რუსული ძალებისგან“, – ვკითხულობთ გაერთიანებული სამეფოს დაზვერვის 18 იანვრის ანგარიშში.

გადაბეჭდვის წესი


ასევე: