გუშინ, 16 იანვარს, ბათუმის მერიის მუნიციპალური ინსპექციის თანამშრომელი, მონიტორინგის ჯგუფის წევრი, სახელმწიფო უსაფრთხოების სამსახურმა დააკავა.
„ბათუმელების“ ინფორმაციით, დაკავებულია გიგა ხ. მუნიციპალური ინსპექციის თანამშრომელს ქრთამის აღებას ედავებიან.
სუს-ში ბათუმის მერიის მუნიციპალური ინსპექციის თანამშრომლის დაკავებას ადასტურებენ, მაგრამ აცხადებენ, რომ დამატებით დეტალებს არ ასაჯაროებენ.
ბათუმის მერიის მუნიციპალურ ინსპექციაში „ბათუმელებს“ უთხრეს, რომ არ იციან გიგა ხ-ს დაკავების შესახებ და მოიკითხავენ. თუმცა მოგვიანებით სატელეფონო ზარებს აღარ უპასუხეს.