რუსეთის პრეზიდენტმა, ვლადიმერ პუტინმა კიდევ ერთ ახალ თანამდებობა შეუქმნა დიმიტრი მედვედევს – ის ამიერიდან რუსეთის სამხედრო-ინდუსტრიული კომისიის თავმჯდომარის მოადგილეც იქნება.
„მედუზას“ ცნობით, კომისიაში აქამდე ეს თანამდებობა არ არსებობდა. თუმცა, პუტინის ბრძანებით, მოადგილეს შეეძლება კომისიის სხდომების წაყვანა და მის ფარგლებში სამუშაო ჯგუფების შექმნა.
დიმიტრი მედვედევი 2008 წელს რუსეთის პრეზიდენტი გახდა და პუტინი, რომელიც იქამდე რვა წელი იკავებდა პრეზიდენტის პოსტს, პრემიერ-მინისტრად დანიშნა.
ოთხი წლის შემდეგ მათ ადგილები გაცვალეს. მედვედევმა პრემიერის პოსტი 2020 წელს დატოვა, თუმცა დაინიშნა რუსეთის უშიშროების საბჭოს თავმჯდომარის მოადგილედ. რუსეთში მანამდე არც ეს თანამდებობა არსებობდა.
დიმიტრი მედვედევი დანიშვნიდან დღემდე ამ თანამდებობას იკავებს. ის იმ რუს მოხელეებს შორისაა, რომელიც არ ერიდება და ღიად ფაშისტურ განცხადებებს აკეთებს უკრაინასთან მიმართებაში.
