საქართველოს მთავრობის განკარგულებით, თბილისში, „სამების საკათედრო-საპატრიარქო ტაძარში გაჩენილი ხანძრის შედეგად დაზიანებული ინფრასტრუქტურის რესტავრაცია – აღდგენის და მასთან დაკავშირებული ხარჯების დაფინანსების მიზნით“, საქართველოს საპატრიარქოს, მთავრობის სარეზერვო ფონდიდან, 3 737 400 ლარი გადაეცემა.
შესაბამის განკარგულებას საქართველოს პრემიერ-მინისტრმა გიორგი კვირიკაშვილმა ხელი მიმდინარე წლკის 5 მაისს მოაწერა.
სამებაში ხანძარი მიმდინარე წლის 20 მარტს გაჩნდა. მეორე დღეს კი გიორგი კვირიკაშვილმა განაცხადა, რომ ხელისუფლება ყოველ ღონეს იხმარდა სამებაში ხანძრის შედეგების აღმოფხვრისთვის.