ბათუმში მე-16 საჯარო სკოლის შენობის დემონტაჟი დაიწყო.
აჭარის განათლების სამინისტროს ინფორმაციით, ამ ადგილზე სკოლის ახალი შენობა უნდა ააშენონ. ხელშეკრულება შპს „ანაგთან“ სამინისტროს, 17 388 170 ლარზე აქვს გაფორმებული.
პროექტით უნდა აშენდეს 3-სართულიანი შენობა, გათვლილი 1000 მოსწავლეზე [40 საკლასო ოთახი] ერთ ცვლაში.
ახალი შენობა ტენდერში გამარჯვებულმა 36 თვეში, ანუ 2026 წლამდე უნდა ააშენოს.
ბათუმის მე-16 საჯარო სკოლა 2021 წლის აპრილში იმდენად დაიბზარა, რომ შეფასდა, როგორც ბავშვებისთვის სახიფათო. მას შემდეგ ამ სკოლის მოსწავლეებისთვის საგაკვეთილო პროცესი მე-10 საჯარო სკოლაში ტარდება.
სკოლის მშენებლობაზე სამინისტროს ტენდერი ზუსტად 17 388 170 ლარით ჰქონდა გამოცხადებული:
ბათუმის მე-16 სკოლის მშენებლობაზე 14.9 მილიონი ლარი დაიხარჯება – პროექტირება დასრულდა