მთავარი,სიახლეები

რუსეთმა ირანიდან დრონების ახალი პარტია მიიღო – ბრიტანეთის დაზვერვის ვარაუდი

09.12.2022 • 883
რუსეთმა ირანიდან დრონების ახალი პარტია მიიღო – ბრიტანეთის დაზვერვის ვარაუდი

„ბოლო სამი კვირის განმავლობაში პირველად გაჩნდა ცნობები, რომ უკრაინაში კვლავ გამოჩნდა ირანული წარმოების ცალმხრივი თავდასხმის უპილოტო საფრენი აპარატები,“ – წერს დიდი ბრიტანეთის დაზვერვა 9 დეკემბრის რელიზში და დასძენს, რომ ამ ცნობებს ჯერ დადასტურება სჭირდება, თუმცა, სავარაუდოდ, რუსეთმა უპილოტო საფრენი აპარატების მარაგი შეავსო.

6 დეკემბერს უკრაინის გენშტაბმა განაცხადა, რომ ჩამოაგდო 17 უპილოტო საფრენი აპარატი, მათ შორის, 14 ცალი Shahed -136. უკრაინის ოფიციალური პირების ცნობით, 7 დეკემბერს რუსეთმა ირანული წარმოების ცალმხრივი თავდასხმის დრონებით დაარტყა ზაპოროჟიესა და დნეპრის ოლქებს.

„ირანული დრონის ჩამოგდების შესახებ უკანასკნელი ინფორმაცია 17 ნოემბრის იყო. თუ ახალი ცნობები დადასტურდება, ეს ნიშნავს, რომ რუსეთმა თავდასხმები ახლახან მიღებული უპილოტო საფრენი აპარატებით განაახლა.

გაერთიანებული სამეფოს თავდაცვა უკრაინის შესახებ სადაზვერვო ცნობარს ყოველდღიურად აქვეყნებს. გუშინდელ რელიზში უწყება წერდა, რომ რუსეთის სარდლობამ ელიტურად მიჩნეული პირველი გვარდიის სატანკო არმია, სავარაუდოდ, ლუგანსკის ქალაქ სვატოვოში, თავდაცვის ხაზზე გადაიყვანა.

დაზვერვის ინფორმაციით, არმიამ უმძიმესი დანაკარგები განიცადა ჯერ კიდევ სექტემბერში, ხარკოვიდან უკან დახევისას და მისი შემადგენლობა სავარაუდოდ, ახალმობილიზებული რეზერვისტებით შეავსეს.

გადაბეჭდვის წესი


ასევე: